"گه‌ره‌کتابۆ که‌ واڕیێدێ"

وه‌لێ ئی شێوه‌و ته‌ماشا که‌رده‌یه‌ و ئی ویرکه‌رده‌یه‌ درووس نییه‌ن وه‌ جه‌ باروو ماڵی و ڕۆحی و لاشه‌یوه‌ زه‌ره‌ری فره‌ما دۆنه‌.ئی ته‌ماشاکه‌رده‌یه‌ درووسه‌ن که‌ ویر که‌رمێوه‌ ڕایه‌ غه‌یر جه‌ ده‌س کێشه‌ی جه‌ عاذه‌تی خراوی و په‌روه‌رده‌و عاذه‌تی خاسیما نییه‌ن.
ماچا؛ ڕۆیه‌ قورواقیه لاو جاذه‌ینه‌ حه‌ر جرته‌ که‌رێ،کوتوپڕ که‌وت لێ چاڵیه‌ گه‌ورێ و حه‌رچیه‌ش که‌رد نه‌تاواش بێ به‌روه‌.
حه‌ر چاوه‌خته‌نه‌ هۆرێشییه‌ په‌یا بی و چه‌مش که‌وت به‌ قورواقه‌کێ که‌ بێخۆ چاڵه‌کێوه‌ بێ،گه‌ره‌کش بێ کومه‌کش که‌رۆ وه‌لێ نه‌تاواش.ئه‌و حه‌یوانه‌کاو دارستانه‌کێ ئامێ و گرذ هه‌ڵمه‌ته‌شا دا تا کومه‌کوو قورواقه‌ دامه‌گه‌کێ که‌را،وه‌لێ ئاذیشایچ حیچشا په‌ی نه‌کریا و...ئاخرسه‌ر وێڵشا که‌رد‌.وه‌ختییه‌ گه‌ره‌کشابێ گێڵاوه‌ واتشا به‌ قورواقه‌کێ پاسه‌ دییاره‌ن که‌ جارێ ئینه‌ یاگێته‌نه‌،جا مه‌یمێوه‌ په‌ی لایت و چاشتیت په‌ی مارمێ.
ئاننه‌ دووروه‌ نه‌که‌وتێبێنێ ،‌ ده‌نگوو قورواقه‌کێشا ژنۆت که‌ پاڵشانه‌ هۆروزێوه‌. باوه‌ڕ نه‌که‌رێنێ،گرذ سه‌ره‌شا سڕ مه‌نه‌بێ، واتشا به‌ قورواقه‌کێ:پسه‌ زانێنمێ نمه‌تاوی ئیتر به‌ی به‌روه‌،قورواقه‌کێچ جواوش داوه‌:وێچم پاسه‌ زانێنێ،وه‌لێ دیم کامیونیه‌ گه‌وره‌ ڕیک ڕوو به‌ من ئێ،ئیتر مه‌جبوور بیا که‌ ویرش که‌رووه‌...
ئیمه‌یچ ویرش که‌رمێوه‌،ویر که‌رمێ که‌ حیچ ڕایه‌ غه‌یر جه سه‌رکه‌وته‌ییما نییه‌ن.ویر که‌رمێ ڕایه‌ غه‌یر جه‌ ده‌س هۆرگێرته‌ی جه‌ عاذه‌تی خراویما نییه‌ن.ویر که‌رمێ ڕایه‌ غه‌یر جه‌ گێرته‌و عاذه‌تی خاسیما نییه‌ن.
ئیمه‌ به‌ گرذ چیویه‌ عاذه‌ت که‌رمێ.ئێمه‌ چننه‌ شکه‌ستێ وه‌رمێ و دمایی عاذه‌ت که‌رمێ به‌ شکه‌ستی.
به‌یدێ جه‌ خه‌سڵه‌توو به‌شه‌ری عاذه‌ت که‌ردێ به‌ نه‌فعۆ وێما ئیستیفاذه‌ که‌رمێ،عاذه‌ت که‌رمێ که‌ سه‌رکه‌وتێ بۆمێ.عاذه‌ت که‌رمێ که‌ به‌ ته‌ماشایه‌ ئه‌رێنی(موسبه‌ت) چه‌نی مه‌وقه‌عییه‌ته‌ مه‌نفییه‌کاو ژیوێ(زیندگی) ڕووبه‌ڕووێ بۆمێ."عاذه‌ت که‌رمێ به‌ یاگێ موقایسه‌و وێما چه‌نی خه‌ڵکی و هه‌ست به‌ وێقله‌یی که‌رده‌ی،ئامانجما لێ ژیوێنه‌ بشناسمێ و هه‌وڵ بذه‌یمێ که‌ هه‌میشه‌ گه‌شه‌(ڕوشد) که‌رمێ"،عاذه‌ت که‌رمێ به‌ یاگێ گیر که‌رده‌ی لێ ویه‌رده‌ینه‌،لێ زه‌مانوو حاڵینه‌ زندگی که‌رمێ و ئومێذما به‌ ئایه‌نده‌ی بۆ.هۆشما بۆ عاذه‌ته‌ خراوه‌کا زندگیما وێران که‌را و،عاذه‌ته‌ خاسه‌کا وه‌شش که‌رۆ.

"به‌یدێ با عاذه‌توو – 'ســــه‌رکه‌وته‌یـــــی' - لێ وێمانه‌ په‌روه‌رده‌ که‌رمێ".‌

 

ئاماذه‌ که‌رده‌و:شه‌یدا باسامی

/ 5 نظر / 32 بازدید
سلطان غم مجید خراطها

با سلام خدمت شهابی.امیدوارم کمتر از فامیل های خود در وب لایگ خود استفاده کنید .همچنین یه عکس قشنگ از خودتون در سایت بزارید /میتونید از عکس ها ی جدید و جذاب ودیدنی به کار ببرید همه عکس ها تکراری شدن.

بێهرووز مۆرادی

سڵام ده‌س وه‌شیت چه‌نه که‌روو خانم باسامی. سپاس بۆنۆ ئا حیکایه‌ته که واتۆ.[لبخند]

حمبد

با سلام شايد يه اتفاق بود كه من وبلاگتون پيدا كردم و الان نزديك 4 ساعته از ساعت 1.5 بعد از ظهر كه اومدم شيفت دارم يكي يكي مطلباتون ميخونم و واقعا برام جالب بود كه جايي توي كشور عزيزمون هست به اين باحالي من كه ارزوي يه شب زندگي تو اين روستا رو دارم . شهر ما كه شايد اسمشم نشنيده باشي نجف آباد كه 20 كيلومتري اصفهانه و اين خوشي هايي كه شما اونجا داريد 1 هزارمشم ما نداريم ( همش خوشكسالي ) اميدوارم كه هميشه موفق ومويد باشي وبتوني اين وبلاگتو هميشه بروز نگه داري

بوران ذبیحی

بازم مثل همیشه سپاسگذار نوشته هایت خواهم بود... "قلمت نویسا تر از قبل" booran.papoole@yahoo.com

ندا و شنۆ

واڵێ گیان هیوادارێنمێ ئی هه ننامێ که‌ پێ هۆرامانی هۆرت گێرتێنه‌ هه‌ننام هایه‌ گۆره‌ته‌رێ بیاشونیشه‌ره‌.چه‌مه‌ڕؤ به‌رهه‌میه‌ته‌ریت هه‌نمێ.[دست][تایید][دست]