???????: نوری شهابی
?????: ۱۳٩٢/۸/۱۳

با تشکر از خانم شیدا باسامی بابت این پست (مدیریت وبلاگ )

 

"گه‌ره‌کتابۆ که‌ واڕیێدێ"

حیچ چیویه‌ فره‌ته‌ر جه‌ ئاوات و مه‌یلوو وێما په‌ی واڕیێ نمه‌تاوۆ سه‌رکه‌وته‌ییما سه‌له‌منۆ(ته‌زمین که‌رۆ).
فره‌ته‌رۆ ئێمه‌ تا وه‌ختییه‌ که‌ مه‌جبوورێ نه‌ومێ،ده‌س جه‌ عاذه‌تی خراوی نمه‌کێشمێ.فره‌و خه‌ڵکی تا وه‌ختییه‌ دوکتوروو دڵی(قه‌لبی) یا دوکتوروو شوشی(ڕییه‌ی) نواچۆشا په‌نه‌، ده‌س جه‌ جگه‌ره‌کێشێ هۆرنمه‌گێرا.ئێمه‌ مانان تا وه‌ختییه‌ بۆنه‌و واردییه‌ خراویوه‌ نه‌گنمێ یاگێ فێرێ نمه‌بۆمێ به‌ عاذه‌تی خاسی...

 

                                             برای مشاهده کامل به ادامه مطلب بروید


وه‌لێ ئی شێوه‌و ته‌ماشا که‌رده‌یه‌ و ئی ویرکه‌رده‌یه‌ درووس نییه‌ن وه‌ جه‌ باروو ماڵی و ڕۆحی و لاشه‌یوه‌ زه‌ره‌ری فره‌ما دۆنه‌.ئی ته‌ماشاکه‌رده‌یه‌ درووسه‌ن که‌ ویر که‌رمێوه‌ ڕایه‌ غه‌یر جه‌ ده‌س کێشه‌ی جه‌ عاذه‌تی خراوی و په‌روه‌رده‌و عاذه‌تی خاسیما نییه‌ن.
ماچا؛ ڕۆیه‌ قورواقیه لاو جاذه‌ینه‌ حه‌ر جرته‌ که‌رێ،کوتوپڕ که‌وت لێ چاڵیه‌ گه‌ورێ و حه‌رچیه‌ش که‌رد نه‌تاواش بێ به‌روه‌.
حه‌ر چاوه‌خته‌نه‌ هۆرێشییه‌ په‌یا بی و چه‌مش که‌وت به‌ قورواقه‌کێ که‌ بێخۆ چاڵه‌کێوه‌ بێ،گه‌ره‌کش بێ کومه‌کش که‌رۆ وه‌لێ نه‌تاواش.ئه‌و حه‌یوانه‌کاو دارستانه‌کێ ئامێ و گرذ هه‌ڵمه‌ته‌شا دا تا کومه‌کوو قورواقه‌ دامه‌گه‌کێ که‌را،وه‌لێ ئاذیشایچ حیچشا په‌ی نه‌کریا و...ئاخرسه‌ر وێڵشا که‌رد‌.وه‌ختییه‌ گه‌ره‌کشابێ گێڵاوه‌ واتشا به‌ قورواقه‌کێ پاسه‌ دییاره‌ن که‌ جارێ ئینه‌ یاگێته‌نه‌،جا مه‌یمێوه‌ په‌ی لایت و چاشتیت په‌ی مارمێ.
ئاننه‌ دووروه‌ نه‌که‌وتێبێنێ ،‌ ده‌نگوو قورواقه‌کێشا ژنۆت که‌ پاڵشانه‌ هۆروزێوه‌. باوه‌ڕ نه‌که‌رێنێ،گرذ سه‌ره‌شا سڕ مه‌نه‌بێ، واتشا به‌ قورواقه‌کێ:پسه‌ زانێنمێ نمه‌تاوی ئیتر به‌ی به‌روه‌،قورواقه‌کێچ جواوش داوه‌:وێچم پاسه‌ زانێنێ،وه‌لێ دیم کامیونیه‌ گه‌وره‌ ڕیک ڕوو به‌ من ئێ،ئیتر مه‌جبوور بیا که‌ ویرش که‌رووه‌...
ئیمه‌یچ ویرش که‌رمێوه‌،ویر که‌رمێ که‌ حیچ ڕایه‌ غه‌یر جه سه‌رکه‌وته‌ییما نییه‌ن.ویر که‌رمێ ڕایه‌ غه‌یر جه‌ ده‌س هۆرگێرته‌ی جه‌ عاذه‌تی خراویما نییه‌ن.ویر که‌رمێ ڕایه‌ غه‌یر جه‌ گێرته‌و عاذه‌تی خاسیما نییه‌ن.
ئیمه‌ به‌ گرذ چیویه‌ عاذه‌ت که‌رمێ.ئێمه‌ چننه‌ شکه‌ستێ وه‌رمێ و دمایی عاذه‌ت که‌رمێ به‌ شکه‌ستی.
به‌یدێ جه‌ خه‌سڵه‌توو به‌شه‌ری عاذه‌ت که‌ردێ به‌ نه‌فعۆ وێما ئیستیفاذه‌ که‌رمێ،عاذه‌ت که‌رمێ که‌ سه‌رکه‌وتێ بۆمێ.عاذه‌ت که‌رمێ که‌ به‌ ته‌ماشایه‌ ئه‌رێنی(موسبه‌ت) چه‌نی مه‌وقه‌عییه‌ته‌ مه‌نفییه‌کاو ژیوێ(زیندگی) ڕووبه‌ڕووێ بۆمێ."عاذه‌ت که‌رمێ به‌ یاگێ موقایسه‌و وێما چه‌نی خه‌ڵکی و هه‌ست به‌ وێقله‌یی که‌رده‌ی،ئامانجما لێ ژیوێنه‌ بشناسمێ و هه‌وڵ بذه‌یمێ که‌ هه‌میشه‌ گه‌شه‌(ڕوشد) که‌رمێ"،عاذه‌ت که‌رمێ به‌ یاگێ گیر که‌رده‌ی لێ ویه‌رده‌ینه‌،لێ زه‌مانوو حاڵینه‌ زندگی که‌رمێ و ئومێذما به‌ ئایه‌نده‌ی بۆ.هۆشما بۆ عاذه‌ته‌ خراوه‌کا زندگیما وێران که‌را و،عاذه‌ته‌ خاسه‌کا وه‌شش که‌رۆ.

"به‌یدێ با عاذه‌توو – 'ســــه‌رکه‌وته‌یـــــی' - لێ وێمانه‌ په‌روه‌رده‌ که‌رمێ".‌

 

ئاماذه‌ که‌رده‌و:شه‌یدا باسامی


????? ??
??????